Intellizensia artificiale e gaddighinzu naturale

Su tema chi est postu in sa gala
a medas est ponende pessamentu
chi su chi de s’omine est’imbentu
chi a s’omine che ponzat a un’ala
mantenide sa conca in ausentu
de timere a frea che pesta mala
no est s’intellizensia artificiale
ma est su gaddighinzu naturale.

Medas sunt timende po triballu
ego non disco coment’at andare
finzas ampaniande su zaraballu
no est cosa fatzile de inzertare
ma de sicuru non fatzo irballu
si bos cussizo de bos’isfrancare
non da s’intellizensia artificiale
ma dae su gaddighinzu naturale.

Medas a la narrer in poesia
sun timende a perdere sentidu
e chi lis fatzant sa lobotomia
unu finamentras ch’appo bidu
chi s’at fatu sa medichina ‘e istria
ma a bisu meu chi si l’at fadidu
non fudi intellizensia artificiale
ma petzi gaddighinzu naturale.

Si bene la gramuzamus a fundu
sa neche est de s’omine e totu
b’at petzi disisperu e abolotu
uve ti zires e ampanies a tundu
si ch’est isperdende su mundu
ma da ite tot’est postu in motu?
Non est intellizensia artificiale
ma petzi gaddighinzu naturale.

Como est ora de dare dispedida
de custa brulla in forma ‘e otada
cambiat mundu e cambiat vida
est cosa bida e isperimentada
ma bos arrepito a sa concruida
s’unica cosa chi andat avitada
no est s’intellizensia artificiale
ma est su gaddighinzu naturale.

Paolo Sedda

Gavoesu, apassionadu de poesia, chi, su prus, si cantat cun su babu a innantis de sa ziminera, po s’ispassiare e si faghere carchi passada de errisu. Fatu fatu, cando este de muta bona, s’atrivit issu puru a provare a iscrivere carchi cosa e sas (pacas) chi si podent irmendare, las mandat a carchi amigu o a carchi cuncursu de poesia. In su 2022 a bintu su premiu ispeciale “Tonino Ledda” de Su de 63 Prèmiu de Otieri cun: “Iustissia be siet ma in domo non colet”.

Leggi e ascolta anche le altre poesie di inversu 02/24:

• #1 Tra fili d’oro e luce di cristallo | Isabella ChatGpt
• #2 In sa modernidade | Leonardo Berria
• #3 IA – intelligentzia artificiale | Juanne Villa
• #4 S’intellizensia artificiale | Pier Gavino Sedda
• #5 Conversando | Annalisa Soddu
• #6 È un effimero fuoco d’artificio | Cristiano Becciu-Bràina
• #7 Homine o robot? | Sebastiano Mariani
• #8 Sonetto del Deep Fake | Mauro Piredda
• #9 Intelligenza artificiale | Anna Marotto
• #10 Pensiero perfetto | Genni Piras
• #11 Senza titolo | Rosalba Satta Ceriale
• #12 Intelligentzia artifitziale | Francesca Doddo
• #13 IA: ma ses bia? | Salvatore Meloni
• #14 Sonetos pro s’Intelligenzia artifiziale | Peppe Montesu
• #15 Isabella, o s’intelligentzia artificiale | Lina Nieddu
• #16 La matematica dell’assuefazione | Giuseppina Carta
• #17 AI – IA | Antonio Murru
• #18 Modernidade | Lorenzo Brandinu
• #19 A passos mannos | Vittorio Loche
• #20 Sas dudas de s’intelligentzia | Lussorio Cambiganu
• #21 A innui totu eus a lompi? | Antoni Nàtziu Garau
• #22 Artifitzios | Antoni (Ninni) Piras
• #23 Potere assoluto | Luciana Ceriale
• #24 A Isabella Chat Gpt | Maria Antonietta Mula
• #25 Macchina pensante | Sandro Chiappori
• #26 Intelligenza artificiale: bella senz’anima | Paolo Pulina
• #27 Intelligentzia artifitziale | Lino Murru
• #28 S’inteligenzia | Bainzu Sassu
• #29 Su mundu andande a s’imbesse | Enea Poddie