#32 Intelletu | Lorenzo Penduzzu - @ddurudduru

Intelletu

Cando s’omine in sa terra est naschidu
privu d’amparu su frittu at intesu
cun duas pedras su fogu at atzesu
cun intelletu e s’ingegnu profundu
at cumpresu chi su mundu fit tundu
gai sa roda sa prima invenzione
impreada po bisonzu e ocasione
po carrare barriu lenu o pesante
cun s’andare de su tempus costante
at sighidu cun novas e imbentos
e sos Egizios astutos e atentos
sa piramide dae fundu an pesadu
a pustis atera cosa an creadu
su telefono Meucci inventore
gai sighinde a iscoppiu su motore
sa currente e sa lampadina atzesa
sa tecnologia immensa bellesa
mannu su passu po custa esistentzia
bene ‘ennida moderna intelligentzia
cun s’ispera chi nde fatan bonu usu
no balet cale si siat abusu
ca si ortat su mundu a su revessu
avanzande in su dannosu regressu
si insegus che su cavaru andamos
a s’era preistorica torramos
cando s’omine in sa terra est naschidu.

Lorenzo Penduzzu

Nato a Macomer il 18 gennaio 1967, sposato, con tre figli, lavora presso la DUEDI autoricambi. Appassionato di poesia e canto sardo, è componente del coro folk “Melchiorre Murenu” e voce de su cuncordu macumeresu “Melchiorre Murenu”.

Leggi e ascolta anche le altre poesie di inversu 02/24: